Seih khat chauh (Horeb editorial 20.08.2023)

‘Mi hlim reng thei a awm theih dawn em ni?’ tiin ka ngaihtuah thin. Khawvela kan awm chhung hian natna te, lungngaihna te leh hrehawmna avanga rumna te kan tawk thin, mihring nunzia ve reng tura khuanu duan lawk a lo ni. Kan rilru hahna te leh kan hun tawn avanga beidawnna ten kan nun a tihbuai chang phei chuan hlim hi a va har tak em. Mi hriatpui lovin rilru chhungriah kan rum a, mi hmuh hreawm khawpin kan hmelah kan ti lang thin bawk.

Harsatna hrang hrang kara hlimna nei theite hi han bel chiang ila, Isua neitu diktak an lo ni leh fo thin. Lalpa ringtu ni satliah mai lovin; rinchhan tak taka Pathian ring tlatte hian hlimna chu a chhar fo thin. Nitin Amah nena inpawl, engkim kan tih tura Pathian rawn mi leh a thuzawm mi tan chuan hlawhna reng a lo awm lo. Lei vanram temlawkna a lo ni. 

Kan Pathian thu chuan nangmahni lam tal mi zawng zawng nen inremin awm rawh u min ti a, kan nitin nun chhutlet ila , kan nunah harsatna a lo thlen hian thinrimna lanchhuah tir hmasa mai lovin, ‘keima lam atang chuan ka rem a che’ tih entirnan seih khat chauh a tawk e.