Hlawhtlinna

-

 Hlawhtlinna

MBSE hnuaia HSLC leh HSSLC exam result a chhuak a, hlawhtlinna chang a passed tamtak an awm a, exam zawng zawng atang pawn a chanve ai tam mah an passed tih kan hria. Kum dang aiin passed result a tha a, hmasawnna tha lam a ni.

Mizo te hian kan ze ngai kan la thlah lo tih a hriat, HSLC passed te tana sawrkar hna a awm nghal lai hun a kan hlut ang mai khan kan la hlut hle reng a. Hetiang a kan hlut hian thatna leh that lohna a nei tih kumin kan hun tawn atang hian hre chhuak ila a tha khawp mai. Nunna hial chan phah kan awm ta. HSLC leh HSSLC a hlawhtlinna kan la chan rih loh avang hian kan hma hun a chhe ta vek tihna a ni lo. Hlawhchhamna atanga ding- chhuak te hi hlawhtling nghal aiin an fei fo.

KTP te pawn kumtin kan lo tih thin angin zirlai hlawhtlingte lawmpuina kan nei leh ngei turah ngai ila. HSLC leh HSSLC result kan buaipui dan leh kan thlir dan hi chu thlak thei deuh ila chuan, kumin a kan thil tawnte hi kan pumpelh theih a ni a ngem? Engpawh chu nise, thawhrimna hmanga hlawhtlinna changte kan lawmpui rualin; la chang ve chiah lo te pawh kan hun in herchhuak ve turin i bei sauh sauh ang u.

(Editorial 21.5.2023)

Comments

Post a Comment

Popular posts from this blog

Seih khat chauh (Horeb editorial 20.08.2023)

-
‘Mi hlim reng thei a awm theih dawn em ni?’ tiin ka ngaihtuah thin. Khawvela kan awm chhung hian natna te, lungngaihna te leh hrehawmna avanga rumna te kan tawk thin, mihring nunzia ve reng tura khuanu duan lawk a lo ni. Kan rilru hahna te leh kan hun tawn avanga beidawnna ten kan nun a tihbuai chang phei chuan hlim hi a va har tak em. Mi hriatpui lovin rilru chhungriah kan rum a, mi hmuh hreawm khawpin kan hmelah kan ti lang thin bawk. Harsatna hrang hrang kara hlimna nei theite hi han bel chiang ila, Isua neitu diktak an lo ni leh fo thin. Lalpa ringtu ni satliah mai lovin; rinchhan tak taka Pathian ring tlatte hian hlimna chu a chhar fo thin. Nitin Amah nena inpawl, engkim kan tih tura Pathian rawn mi leh a thuzawm mi tan chuan hlawhna reng a lo awm lo. Lei vanram temlawkna a lo ni.  Kan Pathian thu chuan nangmahni lam tal mi zawng zawng nen inremin awm rawh u min ti a, kan nitin nun chhutlet ila , kan nunah harsatna a lo thlen hian thinrimna lanchhuah tir hmasa mai lovin,...
Read more

Thil awlsam

-
 Thil awlsam Tumkhatchumipakhathiansa- huan a siam a. A luh man ah ₹300 a ti a, tumah kal duh an awm lova, ₹200 ah a ti hniam a, tumah an la rawn kal duh chuang lo. A beidawng chuan a ti hniam zel a, a luh man ₹10 thleng a a tih hniam pawn tumah a sahuan tlawh duh an awm lo. A tawpah chuan a luh man chu a thlawnin a ti ta a. Mi tamtak a sahuan en chuan an rawn kal a. Amah pawh a hlim hle mai. Chu veleh sakei chu a ch- huah ta a. Gate ah chuan a chhuah man ₹500 a lo khawn a, chhuah loh hlauvin ₹500 chu an pe ta chur chur mai an ti. Kan nitin nunah hian thil awlsam leh that hmel deuh, thawk vak lova hlawk nghal hluai theih thil a awm thin. A tirah tha leh hlawkin lang mahse tal chhuah lehna kawng a hautak tawh thin. Thawhrima neih hlawhtlinna hi a lo tlo ber zawk thin fo a nia. (Editorial Horeb 4.6.2023)
Read more

Thiamthil neih

-
  Thiam thil neih -Vanlalromawia           Tunlai khawvel kan thlir chuan thiam thil nei lo tan din khawchhuahna hun tha a awm lo tih theih a ni. Chutiang khawvel a kan chen tawh si avangin kan kawng kan thlan thiam a tul hle. Pawl 12 result te an chhuak a, thenkhat chuan kan kalna lam tur kan thlang fel tawhin a rinawm; thlang fello eng emaw zat kan la awm bawk awm e. Sawrkar hna in min daih vek seng lova, a tam zawk hi chuan sawrkar hna thawk kher lova ei leh bar kan zawn a tul reng a ni. Pathianin mihring a theihna a dah hi kan haichhuah thiam chuan eizawnna tlakah kan chhuah thin a lo ni.             Sawrkar laipuiin a ngaih pawimawh em em thiam thil nei tura in chher ( skill development ) lamah hian kan rilru kan pek thiam a pawimawh tawh hle. BA leh MA satliah kan tam ta lutuk mai te, thiam bik leh chhawrna tur awm lo certificate nei fer fur kan tam ta lutuk te hi kan in enfiah a tul tawh khawp lo maw? ...
Read more