YRC

​KRISTIAN THALAI PAWL

YOUTH RECREATION CENTRE

(Awareness Campaign Reports)

-Vanlalromawia, ITI Vengchhak Branch

20.08.2023 (Horeb chanchinbu)

A RAWN IN TAN DAN

HLIMEN RAM : KTP chuan kum 1987 khan Hlimen ramah KTP ram

tur chu Rs 10,000-a lei a ni a, tangkai thei ang bera hman turin ruahmanna

siam chhoh a ni a, chuta tang chuan Youth Recreation Centre (YRC) hi lo

piangin, Hlimen rama awm tur hian hmalak tan niin, tum tam hnatlangte

pawh lo neih tawh a ni. A hmun hi tlangchhip a awm a nih angin motor a

lut thei lova, tui lakna remchang a awmlo leh chhan hrang hrang avangin

hmalakna chawlhsan a ni.

FALKLAND RAM : Synod project thenkhatah te hruaitu hmasa ten YRC

telh na tur an lo zawng nual tawh a, kan ram mamawhna min hriatthiam

puiin SEC 251:46 chuan kum 2014 khan Falkland rama hmun a lei thar

nuai 300 man chu YRC hmun atan phal takin min pe ta a ni.

RUHMANNA HMASA : YRC sakna tur hmun thar kan neih takah chuan

ram hrang hranga Youth Centre te zirchian niin, ruahmanna duan tan a ni

chho ta a. Kum 2015 khan Auditorium, Conventional Centre, Guest Acco-

modation Block, Football Ground, Bethelna tur, Blanket sukna tur, Swim-

ming Pool, Basketball Court, Food Court te awm tura ruahmanna siam chu

plan leh estimate siam niin, SEC ah phalna dil a ni a, phalsak kan ni. He

ruahmanna hmasa hi cheng vaibelchhe 108 (`108,00,00,000) estimate a ni.

Heng bakah hian funding dil pawh phalsak kan ni. Hun lo kal zelah Foreign

Direct Investment (FDI) hmanga sum kan hmuh beisei chu central sawrkar

in a tih tawp avangin kan hmu thei ta lo a ni. FDI bakah hian sawrkarah

te funding a awm thei a ngem tiin funding zawn chhunzawm zel a ni a.

Ni 15 October 2015 khan YRC sakna tur atan Lungphum niin, Memberte

thawhkhawm hmangin a hmun laihzawl hna thawh tan a ni. Kum li chhung

(2015-2018) chu funding zawn chhung nen leilaihna hna thawh chhunzawm

zel a ni.

RUHMANNA THAR : WEST PHAILENG ROREL INKHAWM

FDI leh funding duh ang tak kan hmuh tak loh avang leh YRC

project man a san em avangin ruahmanna hmasa vbc 108 man chu ennawn

ngai ni a hriatna a lian chho zel a. Kum 2018-a West Phaileng KTP General

Conference rorel General IV:1(c) chuan ‘YRC chuangchang rawtna hrang

hrang rawn lutte kan sawihova, YRC project kalpui mek hi tun aia zangkhai

leh chhawr hma a ni theih nan tih danglam ni rawh se’ tiin thu a ti tlu ta a

ni.Kan rorel bawhzui nan YRC kan sak tur chu phase thumah then a lo ni

ta a ni.

PHASE 1: Tawngtaina hmun chu hmalak hmasak theihna a nih avangin

Tawngtaina inpui leh In te 10 chu November ni 30, 2019 khan ` 42,05,997

sengin hman theih a peih fel a ni ta a. Tun thlenga tih changtlun hna thawh

chhunzawm niin, tawngtaina in te 15 lai sak belh leh tawh a ni. Phase 1 hi

a duh apiang tana hman theih niin, kum 2023 thleng hian mimal leh pawl

6900 chuangin an hmang tawh a ni. Pathianin hmangin tihdam rawngbawl-

na, Retreat, Praise & Worship leh Thlaraua tuihal apiang tan hmun tangkai

tak a ni der mai.

PHASE 2: Conventional centre pawh a senso hautak lo zawnga her dan-

glam a ni a, a sak nan hian cheng nuai 700 estimate niin, Landmark Archi-

tect & Engineering Consultants ten an buatsaih a. A satu contractor atan

Lushai Engineer-te rawih an ni a. Kum 2019 khan a sakna agreement ziah

fel niin, Lushai Engineer te hian rawngbawlna a ngaiin kum thum chhung

(2019-2021) a sa zo tur leh, KTP ten kum nga (2019-2023) chhunga a sakna

man rulh tura inremna siam a ni.

PHASE 2 PAWH ENNAWN LEH A NGAI : Kum 2020 atanga hripui

a len tak avangin duh angin Phase 2 sak lai chu chhunzawm mumal theih

a ni ta lo a, kum 2022-2023 chhung kha a sak hi chawlhsan hial a lo ngai

ta a. Sak chhunzawm leh tura hmalak a nih mek laiin thilman lo to zel leh

Basement chu a tira plan aia a len tak avangin, estimate hmasa nuai 700 chu

ennawn leh niin a building sak zawhna atan chuan nuai 1000 dawn sen ngai

a lo ni ta a. Memberte sum thawhkhawma sa kan nih avangin CKTP chuan sum sen tlem dan tur a ngaihtuah a, a design chu siamthat leh niin Phase 2

building sak zawh thuai a nih theih nan a sak dan tur ruangam pawh thlak

a ni a, estimate pawh cheng nuai 868.9 a ni ta a. Kum 2019 -2022 chhung

building sakna man chu contractor Lushai Engineers hnenah cheng nuai

425 chu pek tlak a ni a, kum 2023 February thla khan a building sak zawh-

na atana kan la hmabak zawng cheng nuai 443.9 estimate siam thar lehin,

Lushai Engineers te nen inremna ziah that leh a ni. Amaherawh chu he

estimate ah hian electrification a tel lo. Inremna ah chuan kum hnih chhung

(Feb 2023 -Feb 2025 ) chhunga sak zawh tur a ni a, KTP chuan a sak man

chu kum nga (Feb 2023- Feb 2027) chhungin kan rul ang.

PHASE 2 (CONVENTIONAL CENTRE) A AWM TURTE :

Conventional Centre/Hall - Mi 900 leng, Stage & Green room, Meeting

Hall, Synod Choir Cabin, Dormitory Mipa - 60 leh Hmeichhia -40, Khu-

albuk - Double bedroom 10, Skill Development & Vocational Training

Centre, Mess Hall/ Dining Hall, Choka, Kawt zawl Parking.

PHASE 3 : Auditorium block (Infiamna leh intihhlimna hmun) chu hmalak

chhunzawm dan tur ruahmanna siam a la ni lo.

YRC |ANGKAINA TURTE : Rawngbawlna hmun - camping, crusade,

Tawngtaina hmun, branch intlawhna hmun, Retreat, Youth Camp te neih

nan. Inkhawmpui, Special Programme, Concert, Seminar, Meeting, Train-

ing, Kohhran leh Synod Programme hrang hrang neihna atan. NEICCYA

leh PYF conference thlen nan te, Rorel inkhawm neihna hmun atan te.

KTP memberte intihhlimna, leh intuaitharna hmun. Dormitory leh Khual-

buk te hi member Aizawl a lokal riahna leh zin nikhuaa in ban lekna hmun

remchang atan. KTP  member ten eizawnna nghelnghet an neih theihna

kawnga tanpuina leh bul tanna hmun atan. KTP mai bakah kohhran dang

leh mizoram thalaite tana thil tangkai tur rotling a ni ngei ang.

YRC A PUITLIN THEIH NANA KAN LO TIH TAWH TE :

Hlimen ram atang tawhin member ten pawisa kan lo thawhkhawm

tawh thin a, a tirah chuan `5 thawh niin hun lo kal zelah `10 a pun chhoh

a ni a. Kum 2015 Mission Veng Rorel Inkhawm chuan Aizawl khawpui

chhung member tan `50, District Headquarter `30, Thingtlang `20 thawh

turin a rel a, kum 2021 Chaltlang rorel inkhawmah `80, `50, `30 a tihpun

a ni leh a, kum 2022 Kolasib General Conference rorel inkhawm chuan

membera khawn tawh lovin budget hmanga thawh tawh nise tiin a rel a,

chumi bawhzui chuan Bial tinte kan phak ang tawk nia rin Budget siam

alo ni ta a ni. Heng bakah hian Inkhawm thawhlawm leh Special Budget

hmangte in kan thawhkhawm thin bawk. Mimal leh pawl inphal mi 90 ch-

uang hnen atangin pawisa fai leh thilpek dang dawn a ni tawh bawk a, Bial

leh Branch ang pawn vawi tamtak hnatlang neih a ni tawh bawk. Synod at

angin puihna nuai 300 dawn a ni tawh bawk.

YRC A PUITLIN THEIH NAN ENGE KAN LA HMABAK:

Phase 3 na chu ruahmanna ah engmah ala awm rih lo a, tuna kan

zawh tur chun Phase 2 : Conventional Centre zo tur hian kan la hmabak es-

timate cheng nuai 443.9 estimate atangin CKTP chuan contractor te hnenah

cheng nuai 60 a pe fel leh der tawh a, YRC subsidiary Account ah chuan

cheng nuai 122 balance kan la nei a, sum tuak la ngai cheng nuai 261.9 kan

la nei a, memberte han tang chho zel ila, kum nga chhunga kan rulh tur hi

rei lo te ah pawh kan rul zo thei tih hria ila, KTP tan mai ni lo mizoram

tana ro tling tur kan siam mek puitlin tur hian kan theihna zawng zawng nen

lungrual takin tan i la tlang zel ang u.